Phl preparation sa ASEAN hosting, maapektuhan sa paghalin ko sa DFA – Yasay

ILOILO CITY – Maapektuhan suno kay anay Department of Foreign Affairs Secretary Perfecto Yasay ang preparasyon sang Pilipinas sa pag-host sang 50th Association of Southeast Asian Nations (ASEAN) Summit sa maabot nga Nobyembre, sa iya paghalin sa DFA.
Ini matapos nga ginbasura sang Commission on Appointments ang appointment ni Yasay bangud sa ginapahayag US citizenship sini, nga ginpanginwala man sang anay tiglikom.
Sa interview sang Bombo Radyo Iloilo, ginpahayag ni Yasay nga ginabilin na lang sini sa Kongreso ilabi na sa Commission on Appointments, ang pagpasiguro nga wala sang aberya sa pag-host sang Pilipinas sang ASEAN Summit.
Nagalaum si Yasay nga wala sang delay nga matabo sa prepasyon sang Pilipinas sa pag-host sang nasambit nga pagtililipon.
Nagapati ang anay DFA secretary nga partisan politics ang rason sang pagbasura sang CA sa iya appointment.
Ginpanugyan naman ni Yasay sa bag-o nga pinuno sang DFA nga mangin prayoridad ang kahimtangan sang mga Pinoy sa luwas sang pungsod.