Tatlo ang patay kag madamo ang pilason matapos mahulog ang Ceres Bus sa Brgy. Fabrica, Hamtic, Antique.
Suno kay Police Staff Master Sgt. Liane Adores, sang Hamtic Antique Municipal Police Station, naghalin sa Syudad sang Iloilo ang bus kag padulong kuntani sa San Jose Antique.
Sa inisyal nga impormasyon, 11 ang sakay sang Ceres lakip na ang driver kag konduktor.
Sa subong, padayon pa na ginabulong ang mga biktima sa ospital.
Padayon naman nga ginahibalo sang mga otoridad ang gintunaan sang aksidente.
