Sa interview sang Bombo Radyo kay Dr. Patricia Grace Trabado, provincial health officer, iya ginpahayag nga naglab-ot na sa 2453 ang kaso sang dengue humalin sang Enero tubtob Hunyo 2019.
Suno kay Trabado, sa nasambit nga numero, 12 na ang napatay sa diin tatlo ang narecord sa Concepcion, duha sa Pototan, duha sa Bingawan, duha sa Banate,isa sa Sta. Barbara,kag isa sa New Lucena.
Ginpahayag ni Trabado nga sa subong ginapabakod nila ang 4S strategy sa kampanya kontra dengue sa mga kabanwahanan.
Ang 4S nagakahulugan sang Search and destroy mosquito breeding places, Secure self-protection, Seek early consultation, kag Support fogging/ spraying.
Kaangot sini, magapatawag si Trabado sang emergency meeting upod ang mga municipal mayors kag mga health officers agud mahatagan atensyon ang pagtaas sang kaso sang dengue sa probinsya.
