ILOILO CITY-– Ginpahanumdum sang Commission on Elections (Comelec) ang mga nagdaog kag wala nagdalaog nga mga kandidato nga magsumite sang ila Statement of Contribution and Expenditures (SOCE) sa diin sa bwas, Hunyo 13 na ang natalana nga deadline.
Sa interview sang Bombo Radyo kay City Commission on Elections (Comelec) Officer Atty. Mavil Majarucon-Sia, iya ginpahayag nga nga sa 59 ka mga nagpadalagan sa syudad, walo palang ka mga kandidato ang nakapasa sang ila tagsa ka SOCE kag ini ang ginalakipan nanday mayoralty candidate Mel Carreon, mga nagpadalagan sa pagka konsehal nga sanday Allan Zaldivar, Lyndon Acap, Rodel Agado, MJ Ramos, Ed Peñaredondo, Jay Treñas, kag vice mayoralty candidate R. Leone Gerochi.
Suno kay Majarucon-Sia ang mga nagkalapyerde nga mga kandidato ang dapat makapasa sa bwas samtang ang mga nagdalagaog naman ang may extension nga 6 months apang indi sila makapungko sa pwesto sa tion nga indi makapasa sang nasambit nga dokumento.
Ang mga wala nagdalaog nga mga kandidato ang kasuhan sang administratibo .
