STA. BARBARA ILOILO- Nangin malip-ot apang puno sang inspirasyon ang nangin speech ni Sta. Barbara Iloilo Dennis Superficial kadungan man sang ginpatigayun nga 121st Independence Day sa nasambit nga banwa.
Suno kay Superficial ang ika 121 ka tuig nga pagdumdum sang adlaw sang kahilwayan ang iya ulihi nga pagselebrar sang kahiwatan nga siya ang alkalde sa nasambit nga banwa.
Pahayag pa ni Superficial nga luyag nila nga mangin memorable ang pagsaulog sang Independence day kag nagpasalamat bangud matapos sang madugay nga panahon liwat naman nga nakaangkon sang civic military parade sa pagsaulog sang Independence kag una niya ini na eksperyensyahan sadtong bata pa siya.
Sa likod sang pagselebrar sang komemorasyon sang kahilwayan sang pungsod sa kamot sang mga dumulu-ong, padayun ang paghandum sa matuod-tuod nga kahilwayan sang tanan nga sektor sang sosyudad sa pungsod sa kamot sang kaimulon, political dis-unity,kakulangan sang idiyalismo sang mga lideres, pagbaligya sang kinamatarung sa pagboto, kurapsyon kag iban pa.
Mahimo nga pila pa ka henerasyon suno kay Superficial antes maangkon sang sosyudad ang ginahandum niya nga kahilwayan apang padayun sa gihapon ang pagpaninguha agud maangkon ang kahilwayan
