Nakigsapol si Roy Yanson kaupod si Hernani Braza, national president sang Philippine Agricultural, Commercial and Industrial Workers Union-Trade Union of Congress of the Philippines kag mga empleyado sang Yanson Group of Bus companies nga amo ang tag iya sang Vallacar Transit, subong nga adlaw agud i-settle ang problema sa tunga sang kompanya kag mga empleyado.
Nahibaluan nga nagreklamo ang mga empleyado kag nag file sila sang notice of transport strike sa National Conciliation and Mediation Board sang Department of Labor and Employment.
Ini ang may kaangtanan sa benepisyo nga ginapangayo sang mga empleyado nga tubtub subong wala sa gihapon mahatag sang mga Yanson.
Sa interview sang Bombo Radyo kay Roy Yanson, bag-o nga presidente sang nasambit nga kompaniya, iya ginpahayag nga atubangon niya ang problema kag tinguhaan nga hatagan sang solusyon pinaagi sa pagkigsapol kay Braza kag mga empleyado apisar nga indi na ni problema sang iya management.
Nahibaluan nga ginhatagan ni Braza sang 10 ka adlaw ang mag-utod nga Yanson agud magtambong sa conciliation meeting kag istoryahan ang amicable settlement sa tunga sang management kag mga empleyado apang kun wala sa gihapon sang settlement, padayunon ang transport strike.
