LOUISSIANA– Isa ka bala ka beach lover? Ukon luyag mo magswimming sa mabugnaw kag matinlo nga tubig dagat?
Indi mo na kinahanglan magkadto sa beach agud ma experience lang ang summer feels bangud sa Louissiana sa Estados Unidos, may yara sang isa ka Construction company nga sarang makadala sang beach sa imo ugsaran.
Ang Zydeco Construction, isa ka construction company nga nagahimo sang swimming pools sa diin masarangan nila nga himuon nga kaangay sang isa ka matahom nga beach ang swimming pool sa imu ugsaran.
Diri kag imo nga maeksperyensyahan nga daw kaangay lang nga yara ka sa beach pag gwa mo sa imo balay.
Matuod nga baras ang ginagamit nila kag pino pa ini kaangay sang makit-an sa Boracay bangud luyag nila nga mas mabatyagan sang ila mga costumers nga matuod gid nga yara sila sa higad sang baybay.
Kun may yara ka sang $20,000 ukon masobra isa ka milyon ka pesos, mahimo kana mag angkon sang kaugalingon nga beach sa sulod sang imo ugsaran.
