NEW YORK– Kun ikaw ang na stress ano masami mo gina himo agud mabuhinan ini?
Naga tulog? Nagakaon? ukon nagalagaw?
Sa New York, may yara sang pinasahi nga pamagi ang mga Amerikano agud mabuhinan ang ila nga stress.
Ang Mountain House Farm sa New York may gina tanyag nga pinasahi nga stress reliever activitiy nga gina tawag Cow Cuddling.
Huo insakto, agud mabuhinan ang imo stress kinahanglan mo lang kup-an ang mga baka.
Ang Cow Cuddling isa ka sikat nga stress relieving activity sa Europa.
Gin dala ni Suzzane Vullers kaupod ang iya bana sa New York ang makalilingaw nga Cow Cuddling agud ipa experyensya sa mga Amerikano ang nasambit nga aktibidad .
Suno sa mga pagpanalawsaw sa Europa, ang Cow cuddling epektibo nga stress reliever bangud ang baka ang may slower heart rate kag may yara sila sang malinong nga pang-gawi.
Ini ang rason kun ngaa mahimo nga mabuhinan ang imo stress kun imo makup-an ang baka.
Sa subong may yara sang duha ka baka para sa cow cuddling activity sa Mountain House Farm nga gin kilala nga sanday Bonnie and Bella.
Kun ikaw ang may yara sang $75 ukon P3,000 mabuhinan na ang imo stress paagi sa pag kupo sa baka.
