Ginadumilian ang pagsakay sang mga mabug-at nga cargo kaangay sang mga motorsiklo sa mga pump boat.
Sa interview sang Bombo Radyo kay Captain Erlinda Benliro, Station Commander sang Philippine Coast Guard Iloilo, iya ginpahayag nga ang mga pasahero lang ang ginapasakay sa pump boat.
Suno kay Benliro, kun luyag sang pasahero nga magkarga sang mabug-at nga mga bagahe, mahimo nga sa RORO na lang ini ikarga.
Ginpahayag ni Benliro nga tubtub indi malab-ot sa waterline sang pump boat, pasugtan nila nga isakay ang mga bagahe kaangay sang isa ka sako nga bugas.
Kun mas mabug-at pa kag maglapaw na ini sa gintalana nga waterline sang pump boat, indi na ini pagpahanugutan nga ikarga.
