ILOILO CITY – Nagasunod sa Oplan Hawan ang mga barangay official sang Don Esteban, Lapuz, Iloilo City.
Sa interview sang Bombo Radyo kay Punong Barangay Rodrigo “Boy” Dellomes sang nasambit nga lugar, iya ginpahayag nga ginhimu na nga one way ang major road sa ila lugar agud nga indi maggutok ang dalagan sang trapiko.
Suno kay Dellomes, ginpangkuha na ang mga obstruction sa higad sang dalan.
Magluwas diri, ginpahayag ni Dellomes nga ginadumili-an man ang mga on-road parking sa diin ginapahanugutan lamang nga maka parking ang mga driver sa lote sa likod sang barangay gym.
