ILOILO CITY – Pabor ang isa ka iloy sa ginaduso nga no homework policy sa mga estudyante.
Sa interview sang Bombo Radyo kay Analiza Salvador, iya ginpahayag nga apat gid sa iya mga anak ang naga-eskwela sa subong.
Suno kay Salvador, mas makapaayo kun ang tanan nga school requirement ang obrahon sa class hours agud nga may yara sang tion nga makapahuway ang mga estudyante pagkatapos sang klase.
Ginpahayag ni Salvador nga kalabanan sa mga nagahimu sang homework sang mga estudyante amo ang mga ginikanan.
Samtang, pabor man sa no homework policy ang Grade 12 student nga si Mark Ian David.
Suno sa natungdan, kun wala sang homework, mas mahatagan ang mga estudyante sang tion nga makapahuway ukon makatrabaho sa sulod sang balay.
