ILOILO– Gina duso ni 3rd District Representative Lorenz “Nonoy” Defensor ang pagdugang sang mga benepisyo sa mga suldado kag manunudlo.
Sa interview sang Bombo Radyo kay Representative Lorenz “Nonoy” Defensor, iya ginpahayag nga ang pagdugang sang benepisyo sang mga suldado kag manunudlo ang isa ka pamaagi agud kilalahon ang nangin kontribusyon kag pakabagani sang mga nasambit nga persona.
Ini ang kadungan sang pagsaulog sang National Heroes day subong nga tuig.
Dugang pa ni Defensor, suportado man niya ang pag modernize sang Armed Forces of the Philippines kag pagdugang sang sweldo sang mga manunudlo.
Ginpahayag sang natungdan nga ang Department of Education ang may pinaka dako nga parte sa 2020 budget agud mas mahatagan sang maayo nga equipments ang mga eskwelahan sa pungsod kag mangin matawhay ang pagtudlo sang mga manunudlo.
