ILOILO CITY- Magatakop na subong nga adlaw ang lima ka adlaw nga training sang Philippine Coast Guard sa Western Visayas.
Sa exclusive interview sang Bombo Radyo kay Capt. Erlinda Benliro, station commander sang Philippine Coast Guard Iloilo, iya ginpahayag nga nag- umpisa ang ila training humalin sang Lunes kag magatakop subong nga adlaw.
Suno kay Benliro, ang nasambit nga aktibidad ang simultaneous ukon dungan nga gjnapatigayon sa nagkalain lain nga station sa bug-os nga Western Visayas partikular sa Iloilo, Guimaras, Antique, Aklan, Kalibo kag Capiz.
Sang Lunes, lunsay lang sila theory kag sang Martes kag Huwebes, nagpatigayon sila sang physical activity.
Subong nga Byernes, magatakop na ang training pinaagi sa culminating activity.
Las 8:00 subong nga aga diri sa Iloilo, magalangoy halin sa Coast Guard District Western Visayas ang mga ila mga newly recruit kaupod ang mga daan na nga mga personnel.
Ginpahayag ni Benliro nga isa ka milya ukon 1.6 kms. ang languyon sang mga katapo sang Philippine Coast Guard.
May yara man sang maga lumpat halin sa barko nga naka angkla sa Iloilo strait kag magalangoy tubtub sa Guimaras.
Ginpasigurado man ni Benliro ang safety ukon seguridad sang ila mga personnel sa diin ang indi sagad maglangoy ang hatagan sang life jacket.
