ILOILO – May yara na sang petsa kun san-o patigayunon ang election sang bag-o nga set of officers sang Philippine Councilors League-Iloilo Chapter.
Sa interview sang Bombo Radyo kay Department of Interior and Local Government-Iloilo Director Teodora Sumagaysay, iya ginpahayag nga sa Setyembre 10 tubtub 11 patigayunon ang pagtililipon sa isa ka hotel sa Mandurriao, Iloilo City.
Suno kay Sumagaysay, sa Setyembre 10, may yara sang maga-abot nga mga dinapit nga bisita para sa nasambit nga aktibidad samtang sa Setyembre 11 naman ang election.
Ginpahayag ni Sumagaysay nga kadungan sang pagpadala sang imbitasyon sa tagsa ka Sanguniang Bayan Member sa probinsya sang Iloilo, ginlakip na lang ang Certificate of Candidacy para sa mga interesado nga magpapili sa Philippine Councilors League-Iloilo Chapter.
Ang Department of Interior and Local Government suno sa natungdan ang magaserbe nga facilitator sa nasambit nga aktibidad.
