ILOILO– Suportado sang League of Municipalities of the Philippines (LMP) Iloilo ang mga inisyatibo nga ginapatigayon ni Iloilo Governor Arthur Defensor Jr. agud mabuligan ang mga pumuluyo kaangay nalang sa patigayunon nga paghanas sa mga mayors kun sa diin makadto man sila sa iban nga lugar agud mag obserba sang mga best practices nga posible mapatuman ila sa ila tagsa ka banwa.
Sa interview sang Bombo Radyo kay San Enrique Mayor Trixie Fernandez, presidente sang League of Municipalities of the Philippines (LMP) Iloilo, iya ginpahayag nga gina preparar na niya sa subong ang mga kinahanglan agud mangin official travel ang nasambit nga paghanas.
Suno kay Mayor Fernandez, siguraduhon niya indi lang pagliho-liho sa iban nga lugar ang nasambit nga seminar, nagpasiguro sya nga may yara sang matun-an ang mga Mayors nga magaupod agud mapatuman nila ini sa ila tagsa ka banwa.
Ginkabig naman sang natungdan nga mangin learning travel ang nasambit nga lakat.
Sa subong suno sa alkalde, padayon niya nga gina tun-an kaupod ang Department of Interior and Local Government ang mga posible nga lugar nga ila bisitahon nga may yara sang mga best practices.
