ILOILO CITY – Nagtipon ang nagkalain-lain nga cause oriented groups sa sunburst park sa syudad sang Iloilo agud ipalab-ot sa gobyerno ang ila ginapakigbato nga kawsa.
Ini ang kadungan sang pagdumdom sang pagdeklarar sang Martial Law sang rehimeng Marcos.
Sa interview sang Bombo Radyo kay Elmer Forro, tagpamaba sang Bayan Panay, iya ginpahayag nga luyag nila ipalab-ot sa gobyerno ang pila ka problema sang pumuluyo kag sang sosyudad.
Pila sa mga problema nga ila luyag ipalab-ot amo ang pagmahal sang bugas nga ginabaligya sa merkado samtang padayun nga naganubo ang presyo sang palay.
Lakip man diri suno kay Forro ang mga apektado nga manugbaligya sa syudad sang Iloilo nga ginsaylo sa Cacho property bangud sa Oplan Hawan.
Nakigbahin sa hublag protesta ang grupo sang mga estudyante gikan sa University of the Philippines Visayas, Iloilo Science and Technology University kag West Visayas State University.
