ILOILO- Ginpadayaw ni Iloilo 2nd District Representative Michael Gorriceta ang sunod- sunod nga dalagko nga mga proyekto nga nagasulod sa iya distrito.
Sa interview sang Bombo Radyo Iloilo kay Rep. Gorriceta, iya ginpahayag nga ang pag-invest sang negosyante nga si Ramon Ang, presidente kag Chief Executive Officer sang San Miguel Corporation agud magtukod sang P6.7 beer plant sa Leganes, Iloilo kag iban pa nga mga investors ang pamatuod sang pagka-investor- friendly sang 2nd district.
Suno kay Gorriceta, maayo man ang pagdumala sang mga opisyal sa mga banwa sa nasambit nga distrito rason kun ngaa positibo ang imahe sini para sa mga negosyante.
Gindugang man sang mamalidha nga ang social order sa nasambit nga mga banwa, ang may dako man nga papel kun ngaa nagasinulod lang ang mga investors sa 2nd district sang Iloilo.
