ILOILO – Nagpadala sang sulat ang Task Force Kasanag sa Iloilo City Mayor’s office kag sa presidente sang Liga ng mga Barangay agud ipahanumdom ang pagtuman sang R.A 9003 ukon ang Ecological Solid Waste Management Act.
Sa interview sang Bombo Radyo kay John Chong, National President sang Task Force Kasanag, iya ginpahayag nga nakita nila nga wala napatuman sang maayo ang nasambit nga layi.
Suno kay Chong, katungdanan sang Task Force Kasanag nga bantayan kag ipahanumdom sa gobyerno kun ano ang ila mga katungdanan para sa mga pumuluyo kaangay na lang sang pagpatuman sang Ecological Solid Waste Management Act.
Ginphayag ni Chong nga kun indi sa gihapon ini mapatuman sang Iloilo City Government, itugyan na lang nila ini sa ila nga legal team nga amo ang magahimo sang lihok agud mahatagan sang nagakaigo nga silot ang mga opisyal nga wala nagapatuman.
Ginakilala sila sang Department of Interior and Local Government, Office the President kag iban pa nga ahensya sang gobyerno, gani may yara sang kinamatarong ang Task Force Kasanag sang nga bantayan kun sanday sin-o ang wala nagasunod sa Ecological Solid Waste Management Act
