ILOILO CITY – Indi tuman ka bantog ang Indigenous People (IP) sang Visayas ipaanggid sa mga grupo sa Luzon kag Mindanao.
May kaangtanan diri, ang National Commission for Culture and the Arts (NCCA) ang nagapanikasog agud mahatagan sang pagtamod ang nagakalain-lain mga grupo sa rehiyon, ilabi na ang mga cluster sang Ati of Iloilo/Guimaras/Capiz, Ati of Aklan kag Antique, Ati of Negros, Panay Bukidnon, Magahat Bukidnon sa Negros kag iban pa.
Sa pagsaulog sang National Indigenous Peoples Month subong nga Oktubre, ginbisitahan sang Dayaw Suroy Media Caravan 2019, isa sa mga flagship program sang Subcommission for Cultural Communities and Traditional Arts (SCCTA) ang Iloilo agud ipalapnag ang tuhoy sa mga IPs, kultura, tradisyon kag mga aktibidad.
Sa interview sang Bombo Radyo kay Atty. Gerri Ann Delfin, Vice-Head sang CCCC, Sulod Panay-Bukidnon Center, ang “Dayaw” ang nagapatuhoy sa “pride, dignity, and grace” kag bulahan ang Iloilo nga nalakip ini sa sa mga lugar nga nabisitahan.
Nangin dinapit man nga bisita sanday Felicitas C. Catedrilla, Member sang CCCC, Ati of Capiz/Iloilo/Guimaras kag Delia E. Pauden, Member sang CCCC, Ati of Antique/Aklan Cluster.
