ILOILO – Magahatag sang bulig pinansyal ang Iloilo Provincial Government sa mga biktima sang asu-asud nga linog sa North Cotabato.
Sa interview sang Bombo Radyo kay Dr. Jerry Bionat, pinuno sang Provincial Disaster Risk Reduction and Management Office iya ginpahayag nga sa pagpanguna man ni Iloilo Governor Arthur Defensor maga extend sang bulig pinansyal ang probinsya sang Iloilo nga pagakuhaon sa calamity fund sang probinsya.
Suno kay Bionat, ang ini nga lihok ang makabulig man sa probinsya sang Iloilo bangud kun ini ang matabo man sa probinsya may yara man kita sang mapangayuan sang bulig.
Dugang sang natungdan, indi na malayo ang probinsya sang Mindanao bangud madamo man sang mga Ilonggo ang naga istar didto.
Santo sa pahayag ni Bionat, sa subong yara na sa P500,000 ang balor nga ihatag sang probinsya.
Samtang padayon man ang pagbaton ang iban nga ahensya sang gobyerno sang mga donasyon para sa biktima sang nasambit nga kalamidad.
