ILOILO – Nag sugod na ang pagpatigayon sang 2nd International Youth Cathecism sa Iloilo Convention Center nga gintambungan sang masobra sa 1,119 ka mga participants nagikan sa 31 ka Foreign countries sa Asia, Africa kag Europe.
Sa interview sang Bombo Radyo kay Joshua Ganzon Jacinto, Coordinator sang 2nd International Youth Cathecism sa Iloilo Convention Center dako nga bulig para sa mga kabataan ang mga kasubong nga kahiwatan bangud gina istoryahan diri ang mga isyu nga masami nila gina agyan
Nahibaluan pipila sa mga topiko nga paga istoryahan sa congress amo ang Depression and Suicide, Drug Addiction and Alcoholism, Sexuality and Domestic Violence, Generation Gap, Fake News, Pornography kag Social Hermit.
Suno kay Jacinto, may yara sila sang ginapaabot nga bisita nagikan pa sa Vatican agud maghatag sang mensahe nagikan sa mataas nga opisyal sang simbahang katoliko.
Dugang sang natungdan, ang mayor nga katuyuan sang nga kahiwatan amo ang pabaskugon ang pagtuo sang mga kabataan sa mahal nga ginoo nga ginatan-aw niya nga isa ka epektibo nga pamaagi agud malikawan ang pagdamo sang kaso sang suicide ilabi na sa mga kabataan.
