ILOILO CITY- Magapasakop ang More Electric and Power Corporation sa patigayunon nga auction sa mga assets sang Panay Elctric Company agud mabayaran ang yara sa P100-million nga real-estate tax liability kag penalidad humalin sang 2006 nga utang sa syudad.
Sa interview sang Bombo Radyo kay Roel Castro, Presidente kag CEo sang More Electric and Power Corporation, iya ginpahayag nga maayo nga kahigayunan para sa ila ang nasambit nga auction agud maamat-amat nila nga maangkon ang power assets sang Panay Electric Company.
Apang suno kay Castro, mas mayor nga katuyuan nila nga mabuligan ang syudad sang Iloilo agud nga makuha na ang dako nga kantidad nga kinahanglan nga mabayaran sang Panay Electric Company sa Iloilo City Government.
Nahibaluan nga sa auction ng gintalana sa Disyembre 12, ibaligya ang mga poste sang Panay Electric Company nga may total market value nga P214.9 million.
May yara naman sang gintalana ang City Treasurer’s Office nga floor price nga P106,881,685.33 bilang lowest bid sa tion nga ipaidalom sa bidding ang duta sang Peco sang kompaniya sa diin nagatindog ang linibo ka mga poste nga kahoy.
Nahibaluan nga nag-ugat ang tax liability sang Panay Electric Company sang namalibad ini nga magbayad sang real-estate tax nga gin-assess sang City Treasurer’s Office sa duta nga ginatindugan sang ila mga poste.
