ILOILO – Apat ang nadakpan nga nagagamit sang vape sa pampubliko nga lugar sa Mandurriao, Iloilo City.
Tatlo sa mga nadakpan ang ginkilala sanday Alyas Gab, 19, sang Brgy. Navais, Mandurriao, Iloilo City, Alyas Tony, 19, sang Brgy. Calumpang, Molo, Iloilo City kag Alyas Rod sang Brgy. San Isidro, Lapaz Iloilo City.
Sa interview sang Bombo Radyo kay Police Major Marlon Valencia, hepe sang Mandurriao Police Station, iya ginpahayag nga naagyan lang nila nga nagagamit sang vape sa higad sang dalan ang apat ka lalaki.
Suno kay Valencia, bangud wala sang kaso nga mapasaka sa mga nagkaladakpan, wala na sila ginpreso sa baylo nga ginpablotter lang kag ginpangkumpiska ang mga vape.
Ginpahayag ni Valencia nga humalin sang nagmandu si Presidente Rodrigo Duterte nga pangdakpon ang mga nagagamit sang vape sa pampubliko nga lugar, mas naggamay ang nagagamit sini.
