ILOILO CITY-Ginpabugal sang Department of Education ang madinalag-on nga pagpatigayon sang Iloilo Schools Sports Council Meet ukon mas kilala nga Integrated Meet 2019.
Tema sang kahiwatan amo ang ”Sa Isports Maging Aktibo, Healthy Lifestyle Isulong Mo.”
Ini ang kadungan sang closing ceremony sang Integrated Meet 2019 nga ginpatigayon sa Iloilo Sports Complex sa La Paz, Iloilo City.
Sa exclusive interview sang Bombo Radyo kay Ernesto Servillon Jr. Assistant Schools Division Superintendent sang Schools Division of Iloilo City, iya ginpahayag nga apisar may mga gamay nga indi pag intindihanay sa hinampang, apang nangin tayuyon ang kahiwatan.
Suno kay Servillon, normal lang sa isa ka hinampang nga may mga indi pag intindihanay bangud nagakadala ang mga ini sa ila balatyagon.
Apang ang nasambit nga mga hitabo ang mangin basehan agud nga mas mangin maayo ang Integrated Meet 2020.
Ginpahanumdom man sang natungdan nga nagakadapat magpangibabaw ang positibo nga pagbinatasan kag sportsmanship.
