ILOILO CITY- Wala sang kanselasyon sang byahe sang mga barko nga may ruta Iloilo- Manila and vice versa.
Ini kasunod sang phreatic explosion sang bulkan Taal nga nagresulta sa ashfall sa madamo nga bahin sang Luzon.
Sa interview sang Bombo Radyo kay Engr. Jose Venancio Vero, Regional Director sang Maritime Industry Authority Region 6, iya ginpahayag nga regular sa gihapon ang byahe sang mga barko kag fastcraft sa nasambit nga ruta.
Apang suno sa iya, sa ila pagmonitor, ang ruta nga Mindoro-Batangas amo ang nagcancel sang byahe bangud sa gina-eksperyensiya nga ashfall.
Kaangot naman sa kanselasyon sang byahe sang mga eroplano halin sa Iloilo padulong sa Manila, ginpahayag ni Vero nga gina-preparahan nila ang posible pagdagsa sang mga pasahero sa barko nga maga-divert sang trip bangud sa kanselado nga mga flight sang eroplano.
