ILOILO – Naglab ot sa 50% sang pwersa sang Iloilo City Police Office ang nalakip sa listahan sang overweight kag obese ukon ang mga indi normal ang Body Mass Index.
Sa interview sang Bombo Radyo kay Pol Col Martin Defensor Jr., director sang Iloilo Police Office iya ginpahayag nga base sa ila nga naglab ot sa 646 nga kapulisan sa Iloilo City Police Office may yara sang 635 nga na evaluate na ang Body Mass Index.
Suno kay Defensor, sa 635 may yara sang 323 nga normal ang Body Mass Index kag 312 naman ang indi normal.
Dugang sang natungdan, may yara sang tatlo ka basehan agud agud ma konsidera nga indi normal ang Body Mass Index sang isa ka pulis.
Una na diri amo ang Underweight, Normal, Overweight kag Obese nga natunga sa tatlo amo ang Obese 1,2 kag 3.
Ang Obese 1 amo ang may yara sang Body Mass Index ang naglab ot sa 30-34, ang naman Obese 2 amo ang may Body Mass Index nga 35-39 kag Obese 3 ang may BMI nga masobra sa 40 kag makabig na nga ‘extreme’ ukon ‘severe’ obesity.
Dugang sang natungdan, gin umpisahan na nila ang mga programa kag aktibidad agud mabuhinan ang numero sang mga kapulisan nga may yara sang indi normal nga Body Mass Index kaangay nalang sang pagjogging nga ginpangunahan niya mismo.
Nahibaluan nga una na nga ginpahayag ni Pol Lt Gen Archie Gamboa, officer-in-charge sang Philippine National Police nga indi makapaidalom sa training, schooling kag madulaan man sang tsansa nga ma promote ang pulis nga may yara sang indi normal nga Body Mass Index bangud luyag niya nga dapat wala sang overweight ukon obese nga pulis agud mangin maayo ang ila nga performance sa trabaho.
Suno kay Police Lt. Col. Joem Malong, tagpamaba sang Police Regional Office 6 base sa data nila sang nagligad nga tuig sa total nga 12,104 nga kapulisan sa probinsya 6,900 diri ang normal ang Body Mass Index, 9 ang Underweight kag 5,171 ang overweight.
Sa subong as of Enero 10, 2020 may yara na sang 1,619 ka mga kapulisan nga nagbalik na sa normal ang ila nga Body Mass Index.
Dugang sang natungdan, ang ginahulat nalang nila subong amo ang memo circular nga nagikan sa Nationa headquarters agud mapatuman na ang nasambit nga pagsulundan bangud sa
Nahibaluan nga isa ang pag angkon sang normal nga body mass index sa ginabasehan sang Individual Commanders Evaluation Rating sang mga kapulisan para sa ila nga promotion.
