ILOILO – Wala sang dako nga epekto ang paglupok sang Taal Volcano sa mga residente sang Brgy. Banay-banay San Jose, Batangas apisar nga yara lang sila sa atubang mismo sang Taal lake, ini bangud sa huyop sang hangin nga malayo sa ola.
Sa interview sang Bombo Radyo kay Anna lyn De Asis sang nasambit nga lugar iya ginpahayag nga normal sa gihapon ang ila nga sitwasyon maluwas lang sa ashfall nga ila ginaka eksperyensyahan.
Suno kay De Asis nagpabilin sila sa gihapon sa ila nga balay kag wala nag evaucate bangud man nagapati sila nga wala pa sang dako nga epekto ang paga alburuto san Bulkan sa ila nga mga palangabuhian.
Dugang sang natungdan, isa lang ang delikado sa ila amo ang mga isda nga nagikan mismo sa Taal Lake nga rason sang pagtaas sang presyo sang isda sa ila.
Samtang nanglimpyo naman ang mga manunudlo sang Francisco Decastro Elementary School sa Genereal Mariano Cavite nagpatigayon sila sang ginlimpyo nila ang ila nga eskwelahan bangud sa tuman ka damo na sang abo sa atop kag iban pa nga parte sang eskwelahan.
Sa interview sang Bomo Radyo kay Maam Katherine Ann Mondido Padulla, manunudlo sang nasambit nga eskwelehan iya ginpahayag nga nagbulig-bulig ang mga manunudlo, ginikanan kag iban pa nga mga volunteers agud nga malimpyuhan ang ila nga eskwelahan.
Suno kay Padulla, nanugunan sila sang mga tanom nga gintanom sang mga estudyante lakip na ang mga gulay nga ila man gintanom bangud nabuta na ini sang abo kag nagkalapatay na ang iban.
