ILOILO – Hugot nga ginapatuman ang traffic rules sa Japan.
Sa interview sang Bombo Radyo kay Josel Palma, Bombo International Correspondent direkta sa Japan, iya ginpahayag nga ginasunod gid sang mga Hapon ang mga pagsulundan pag-abot sa traffic bangud dako nga halit ang nagahulat kun maglapas sila.
Suno kay Palma, adlaw-adlaw nga naka-alerto ang otoridad sa pagpatuman sang mga pagsulundan kaangay na lang sa pagbantay sa illegal parking.
Ginpahayag ni Palma nga indi kaangay sa Pilipinas gindumilian ang pagbakal sang salakyan kun wala sang parking area kag nagakinahanglan anay nga magkuha sang police permit nga amo ang ipakita sa pagbakal sang salakyan.
Isa man sa rason kun nga-a wala sang problema sa trapiko sa Japan amo nga disiplinado ang mga Hapon sa pagmaneho.
