ILOILO – Ginplastar sang Bureau of Quarantine ang mga lihok nga ginapatigayon nila sa Iloilo International Airport agud malikawan nga may makasulod sa syudad nga positibo sa Coronavirussa ginpatigayon nga pagsinapol kaupod si Iloilo Governor Arthur Defensor Jr.
Sa interview sang Bombo Radyo kay Dr. Percy Catedrilla Jr., sang Bureau of Quarantine iya ginpahayag nga pila sa mga tikang nga ginapatigayon nila amo ang pagpahamtang sang thermal scanner sa nasambit nga paluparan sa diin naga agi ang mga nagagwa kag naga sulod sa pungsod ilabi na ang nagikan sa pungsod nga may yara na sang kaso sang Coronavirus kaangay nalang sang Hongkong kag Singapore.
Suno kay Catedrilla, may yara man sang naka standby nga 3 tubtob 4 ka mga personnels, mga doktor kag nurse nga amo ang magahulag sa tion nga may makasulod nga positibo sa nasambit nga virus.
Dugang sang natungdan, sa tion nga matukiban nga positibo sa Corona Virus ang isa ka persona gilayon ini nga iga refer sa West Viyas Medical Center agud mapaidalom sa quarantine.
