ILOILO – Arestado ang isa ka lalaki nga nagpakilala personal bodyguard ni Iloilo City Mayor Jerry Treñas matapos nga gintiro niya ang baka sang ila man lang tupad balay.
Ang arestado ginkilala nga si Carlito Abonador, sang Brgy. Buhang Jaro, Iloilo City.
Sa interview sang Bombo Radyo kay Abonador, iya ginpahayag nga na impito siya sa baka sang iya nga tupad balay bangud makapila na nga bes nga ginlapakan sini ang iya nga manok.
Suno kay Abonador, gintiro niya ang baka agud indi na mahalitan pa ang iban nga mga manok.
Desidido naman nga magpasaka sang kaso ang tag iya sang baka.
Sa subong yara na sa Jaro Police Station ang suspetsado.
