ILOILO – Palaligban subong sa live in partner sang biktima sang paghikog kun paano niya sagudon ang nabilin nila nga 5 ka kabataan sa diin 9 anyos ang magulang kag 2 anyos naman ang manghod.
Ang biktima amo si alyas boy 30 anyos kag ang iya live in partner nga si alyas marie 30 anyos kag lunsay residente sang Brgy. Cag-an, Anilao Iloilo.
Sa interview sang Bombo Radyo kay Police Corporal Ben Resol, Deputy Investigator sang Anilao Municipal Police Station iya ginpahayag nga nakit an lang sang iya ugangan nga naga bitay na ang biktima gamit ang nylon sa ila balay.
Suno kay Resol, gin gamit sang biktima ang balde sang tubig agud maka hayaw ang lawas sini sa duta.
Dugang sang natungdan, naga isahanon lang ang biktima sang gin utas sini ang iya kabuhi.
Santo sa pahayag ni Resol, pagpangimon ang ginatan aw nga rason sang paghikog sang biktima ini matapos nga ginsugiran ini sang iya nanay nga may kaupod nga lalaki ang iya live in partner sa diin nakita niya ini sa ka picture nga gin upload niya sa iya nga social media.
