ILOILO – Seryoso ang Department of Interior sa pagpatuman sang road clearing operations.
Sa interview sang Bombo Radyo kay Engr. Ariel Iglesia, Regional Director sang Department of Interior and Local Government 6 iya ginpahayag nga nagakadapat nga makatuman ang tanan nga mga barangay sa pagpangpangahawan sang tanan nga naga balabag sa dalan agud indi magtuga sang delay sa mga salakyan.
Ini matapos nga nagpakita sang low compliance ang pila ka mga barangay sa syudad kag probinsya sang Iloilo sa road clearing operations nga ginmandu ni Presidente Rodrigo Duterte.
Suno kay Iglesia, matapos ang 75 ka adlaw nga nagsugod na kahapon magapatigayon sang validation ang Department of Interior and Local Government agud mahibaluan ang nga barangay ang nagtuman sa nasambit nga mandu.
Dugang sang natungdan, nagapati sila nga makaya sang mga barangay officials nga tapuson ang pagpanghawan sa plaso nga ginhatag nila bangud gamay lang ang sakop sang mga barangay sa probinsya maluwas lang sa mga barangay sa syudad nga malapad.
Santo sa pahayag ni Iglesia, sa tion nga may yara sa gihapon sang barangay nga wala nakatuman mahimo nga magapangatubang na ini sang nagaka igo nga kaso administratibo ukon pagka suspend sang mga barangay officials.
Indi na nagakadapat pa nga liwat-liwaton sa mga barangay officials ang ila mga katungdanan may kaangtanan sa pagpatuman sang road clearing operations sa ila mga barangay.
Sa interview sang Bombo Radyo kay Liga ng mga Barangay President Irene Ong, iya ginpahayag nga nakahibalo na ang tanan nga mga opisyal sang barangay sa ila tagsa ka mga katungdanan natuhoy sa mandu ni Presidente Rodrigo Duterte gani indi na ini kinahanglan nga liwat-liwaton pa.
Suno kay Ong, gina ekspektar na nga kun napaslawan sila sa una nga assessment nagakadapat nga makapasar sila sa ikaduha bangud sa tion nga mapaslawan sila liwat mahimo nga mapasakaan sila sang kaso administratibo.
Dugang sang natungdan, nakahanda man ang Taskforce on Anti Squatting and Illegal Structures Unit nga magbulig sa mga barangay sa tion nga indi nila masarangan ang pagpanghawan sa ila lugar.
Nahibaluan nga ang mga masunod ang anum sa 35 ka mga barangay ang napaslawan sa pagpatuman sang mandu sang presidente, Oñate De leon ni Punong Barangay Kap Willie Colon, Calajunan ni Punong Barangay Efrain Tagaytayan, Punong Barangay Remedios, Lanit ni Punong Barangay Remedios Bedia, San Isidro ni Punong Barangay Felix Dureza, Zamora Mellira ni Punong Barangay Peter Abadiano kag Nonoy ni Evan Joe Anonoy.
