Wala nagapati si Pwersa ng Bayaning Atleta partylist Rep Jericho Nograles sa ginapahayag ouster plot batok kag House Speaker Alan Peter Cayetano ilabi na nga ginabasol ini kay Marinduque Rep Lord Allan Velasco.
Sa pagpa-athag ni Nograles, pila na lang ka bulan magatal-os na si Velasco kay Cayetano sa speakership post bilang pagsunod sa term-sharing agreement nga nahisugtan sa bulig ni Presidente Rodrigo Duterte.
Magluwas diri, ginpanginwala na ni Velasco ang alegasyon ni Cayetano kag iya ginpahayag nga wala siya sang plano nga indi tumanon ang kasugtanan nila nga duha.
Suno kay Nograles, kun matuod nga may yara sang ginapahulag nga ouster plot batok kay Cayetano, imposible nga makakuha ini sang suporta nagikan sa iban nga mga kongresista bangud magapakita ini sang paglapas nila sa posisyon ni Presidente Duterte.
Gani naga-apelar si Nograles kay Velasco kag Cayetano nga panindugan ang ila pagka statesman kag kaayuhon ang tensyon sa tunga nila agud mapakita nga sinsero sila sa kasugtanan nga ila nahisugtan.
