US – Natalana nga pirmahan sang Estados Unidos kag Afghanistan ang peace deal nga magaserbe katapusan sang madugay na nga giyera sa tunga sang duha ka pungsod.
Ini ang kasunod sang pagsinapol sang diplomats gikan sa Afghanistan, Estados Unidos, India, Pakistan kag iban pa nga miyembro sang United Nations kaupod ang pila ka tiglawas sang Taliban sa Sheraton Hotel sa Doha, Qatar.
Nagtambong sa nasambit nga pagsinapol si US Secretary of State Mike Pompeo agud saksihan ang pagpirma sang peace deal samtang ginalauman man nga magatambong sa patigayunon nga joint declaration si Secretary of Defense Mark Esper kaupod ang miyembro sang Afghanistan government sa Kabul.
Sa tion nga pormal na nga mapirmahan ang kasugtanan, pabalikon na sang Estados Unidos sa ila pungsod ang 8,600 ka militar nga nakabase sa Afghanistan.
