ILOILO – Nagakurog nga ginsaysay sang isa ka lalaki ang iya eksperyensya matapos nga ginapahayag ginpilit siya pasulod kag pasakay sa salakyan nga puti subong gid lang nga gab-i.
Ang biktima ginkilala nga si Alyas Tam.
Sa interview sang Bombo Radyo kay Alyas Tam, iya ginpahayag nga ginahulat niya ang iya nga bata nga nagikan sa eskwelahan sang may nagpondo nga salakyan nga puti kag may naggwa nga lalaki.
Suno kay Alyas Tam, ginlalas siya sang lalaki kag ginpilit pasulod sa salakyan.
Dugang sang natungdan, naghawid siya sa poste agud indi siya madala sang lalaki.
Sang wala siya nadala sang lalaki, nagpanaog na ang iban pa nga mga lalaki nga sakay sang salakyan kag ginpilit siya pasulod.
Apang naghigda siya sa dalan agud indi siya madala.
Sang wala siya madala sang mga lalaki, nagbalik sila sa salakyan kag naglakat.
Samtang, natigayon naman pasulod kag pasakay sa salakyan ang lalaki nga nagatindog pila gid lang ka metros nagikan sa ginatindugan ni Alyas Tam.
