ILOILO – Ginakwestiyon sang Police Regional Office 6 ang paggamit sang isa ka salakyan sa extraction sang 601st Regional Mobile Force Battalion apisar nga naga bug-os sila sa duwa ka section.
Sa interview sang Bombo Radyo kay Pol Lt Col Joem Malong, tagapamaba sang Police Regional Office 6 iya ginpahayag nga ang paggamit sang salakyan ang nakadepende man sa numero kag sahi sang police operation.
Kun 30 sila nga magasakay, nagakadapat kuntani nga 2-3 ka salakayan ang ila nga gamiton.
Suno kay Malong, tuman ka delikado ang nangin desisyon sang ground commander bangud kun wala man nagluntad ang vehicular accident, malapit man sila sa ambush kun sa diin dako ang posibilidad nga tanan sila ang magkalamatay.
Dugang sang natungdan, ang paggamit sang indi marked nga salakyan ang maka likaw sa ambush nga amo gid ang masami nga ginahimo sang kapulisan.
Santo sa pahayag ni Malong, ipa-review sang regional director ang plano sang battalion sa ila operation kag diri mahibaluan kun pila ka bilog ang upod sa operation, lakip man kun ano kag pila ka mga salkayan ang nagakadapat nga gamiton padulong sa ila operation site.
Ang isa man sa gina kwestiyon sang regional director amo nga may yara man sang ginhatag nga troop carrier sa battalion apang wala gingamit.
Magapatigayon naman sang retraining sa mga drivers agud nga indi sila mag panic kun magluntad ang kaangay nga sitwasyon.
May yara man sang refresher training sa mga commanders ilabi na sa troop leading procedures, leadership seminars sa maabot nga byernes nga pangunahan sang Regional Learning and Doctrine Division.
