ILOILO CITY – Ginahulat sang Department of Education (DepEd) Western Visayas ang opisyal nga direktiba nagikan kay Education Secretary Leonor Briones kaangot sa posible pagkanselar sang mga graduation ceremonies bangud sang coronavirus disease 2019 (COVID-19).
Sa interview sang Bombo Radyo kay Lea Belleza, tagpamaba sang DepEd Region 6, iya ginpahayag nga ginarespeto sang pamunuan ang Executive Order No. 028-B nga ginpapanaug ni Iloilo Governor Arthur Defensor Jr. kahapon nga nagamandu sa pagsuspinde sang pampubliko nga pagtilipon sa sulod sang 45 ka adlaw.
Suno kay Belleza, bangud malawig ang inadlaw nga sakop sang suspension, mahimo malakip ang graduation ceremonies.
Apang suno kay Belleza, ginatimbang pa sa subong ang sitwasyon kag indi man maka-mato mato sa pagkanselar ang DepEd kun wala sang collaboration sa Department of Health (DOH).
Sa subong suno kay Belleza, padayon ang mga klase kag panugyan sa mga school heads nga engganyuhon ang proper hygiene practices sa mga eskwelahan.
Nahibaluan nga santu sa nauna nga pahayag ni DepEd Secretary Leonor Briones, ginahulat man sini ang definitive advisory sang inter-agency task force for the management of emerging infectious diseases.
