Pormal na nga gindesignar bilang Youth Ambassador sang National Youth Commission ang aktor nga si Matteo Guidicelli.
Personal nga ginbaton sang aktor ang certificate of designation nagikan sa mga opisyal sang National Youth Commission.
Nahibaluan nga isa ka resolusyon ang ginpasa sang commission bilang pagkilala sa kontribusyon ni Matteo sa Youth Development.
Suno kay Ryan Enriquez, Chairman sang National Youth Commission ginakabig nila nga ‘complete package’ ang aktor gani nagakabagay lang sa iya ang nasambit nga posisyon.
Nakatalana nga makigsapol si Matteo sa pamunuan sang komisyon agud istoryahan ang mga proyekto nga ila patigayunon sa mga masunod nga bulan lakip na diri ang pagpakigbahin sang mga pamatan-on sa mga lihok batok sa COVID-19.
