ILOOILO CITY – Ginakonsiderar na sang Iloilo Provincial Government ang pagpatuman sang travel restrictions sa probisya sang Iloilo bangud sa Coronavirus Disease 2019 (COVID-19).
Sa interview sang Bombo Radyo kay Iloilo Governor Arthur Defensor Jr., iya ginpahayag nga ginahitso na ang mga plano nga mahimo patigayunon indi lang sa Iloilo kundi sa bilog nga isla sang Panay.
Gin-athag naman sang gobernador nga wala sang opisyal nga suhestiyon ang League of Municipalities of the Philippines- Iloilo Chapter may kaangtanan sa pagpatuman sang lockdown sa probinsya.
Madumduman nga una na nga ginpahayag ni Defensor nga nagapati siya nga indi pa kinahanglan nga ipaidalom sa lockdown ang probinsya bangud nagakadapat ini nga planuhan sang maayo.
Sa subong, padayon ang monitoring sa masobra 200 ka Persons Under Monitoring kag walo ka Persons Under Investigation sa probinsya sang Iloilo.
