ILOILO CITY – Indi pa makahatag sang pahayag ang Department of Health 6 may kaangtanan sa kondisyon sang 65-anyos nga pasyente nga nagpositibo sa Coronavirus Disease 2019 sa Iloilo.
Sa interview sang Bombo Radyo kay Dr. Mary Jane Juanico,pinuno sang Infectious Disease Section sang Department of Health 6 iya ginpahayag nga base sa ila impormasyon may yara sang pagbag-o sa kondisyon sang nasambit nga pasyente apang indi pa nila mapat-ud kun ini ang maayo ukon indi.
Suno kay Juanico, wala pa nakuhaan sang swab test ang tatlo pa ka Persons Under Investigation sa The Medical City – Iloilo bangud sang Marso 18 pa ang pinaka-ulihi nga nakapadala sila sang swab test sa Manila.
Dugang sang natungdan, prayoridad nila subong nga makuhaan sang specimen ang mga naka admit na nga daan, mga elderly kag may yara sang mild symptoms.
Ini bangud man sa kakulangan pa sang testing kits sa syudad.
Santo sa pahayag ni Juanico,may yara naman sang 400 ka testing kits ang nag abot kag napanagtag na sa bilog nga probinsya.
