ILOILO CITY – Balik trabaho na si Iloilo City Councilor Alan Zaldivar, Chairman sang Committee on Health sang Iloilo City Council matapos nga nagpaidalom sa 14 ka adlaw nga quarantine bangud naka close contact niya ang iya utod gikan sa Australia.
Sa interview sang Bombo Radyo kay Councilor Zaldivar, iya ginpahayag nga na abisuhan na niya si Iloilo City Mayor Jerry Treñas kag ang City Health Office nga nakabalik na siya sa trabaho.
Suno kay Zaldivar, nagsugod na siya libot sa tanan nga mga district health center sa syudad agud mahibaluan kun ano pa ang ila mga kinahanglan.
Dugang sang natungdan, nakapanagtag naman sila sang germicidal soap, disinfectant kag mga bleach agud nga magamit sang mga barangay sa syudad sa pagtinlo sang ila lugar.
Gin isa-isa naman niya libot ang mga malls agud ma monitor ang ila nga operasyon kag pagpasulod sang mga nagabakal sa mga supermarkets.
Liwat naman nga nanawagan ang konsehal sa mga pumuluyo nga sundon ang mga protocol nga ginapatuman sang City Government agud makalikaw sa COVID-19.
