ILOILO – Napirmahan na ni Mayor Jett Rojas sang Ajuy, Iloilo ang pondo para sa pagpatigayon sang mga lihok batok sa Coronavirus Disease 2019 (COVID-19).
Sa interview sang Bombo Radyo kay Rojas, iya ginpahayag nga sa masunod nga semana, mahimo na nga ipadala ang pondo sa Iloilo Provincial Government sa talatapan ni Gov. Arthur Defensor Jr., agud maaprubahan.
Suno kay Rojas, ginahulat man nila ang P1 Million nga pondo nga ginhatag ni Gov. Defensor.
Naghingyo ang natungdan sa mga pumuluyo nga magsakripisyo sang gamay bangud temporaryo lang ang Enhanced Commuity Quarantine sa probinsya sang Iloilo.
Ginkasugtan naman nila sang alkalde sang Sara nga isa lang ukon duha ka persona kada barangay ang mahimo makapadulong sa banwa agud magpamalaklon.
Nahibaluan nga sa banwa sang Ajuy, may yara na lang sang 27 ka mga Persons Under Monitoring nga naka home quarantine.
