Nadesisyunan ni Presidente Rodrigo Dutete nga ihatag nalang bilang donasyon ang iya isa ka bulan nga sweldo bilang bulig sa away sang pungsod batok sa Coronavirus Disease 2019.
Suno kay Presidential Spokesperson Atty. Salvador Panelo, magluwas kay Presidente Duterte, magahatag man sang 10% sang ila nga sweldo sa Office of the Civil Defense ang assistant secretaries of the Offices of the Chief Presidential Legal Counsel.
Nahibaluan nga ginabanta sa P400,000 ang sweldo ni Presidente Duterte kada bulan.
Dugang pa ni Panelo, ginkalipay ni Presidente Duterte ang ginpatigayon nga inisyatibo sang nagkalain-lain nga ahensya sang gobyerno agud mabatuan ang COVID-19.
Sa subong, ginatun-an pa ni Presidente Duterte kun palawigon pa ang ginpatuman niya nga lockdown sa Luzon.
Samtang sa pinakaulihi nga data,may yara na sang 3,246 ka kaso sang COVID-19 sa Pilipinas; 152 diri ang napatay kag 64 naman ang naka rekober.
