ILOILO- Tayuyon ang ginapatigayon nga contact tracing kasunod sang nagdugang nga apat ka kaso sang Coronavirus Disease 2019 (COVID-19) sa Western Visayas.
Sa interview sang Bombo Radyo kay Dr. May Ann Sta. Lucia, tagpamaba sang Department of Health 6, iya ginpahayag nga ginatutukan sa subong kun sanday sin-o ang mga naka-istorya ukon nakaupod sang apat ka mga pasyente.
Suno kay Sta. Lucia, indi pa maathag kun paano nalatnan sang virus ang 94 year old nga lalaki sa Miagao, Iloilo bangud wala sang travel history ang pasyente.
Nahibaluan nga sa subong, nagdangat na sa 34 ang nagpositibo sa COVID-19 sa Western Visayas.
