ITALY – Ginpakamalaot ni Pope Francis ang mga tawo nga nagahingalit sa pihak sang krisis nga ginapangatubang sang bilog nga kalibutan nga gintuga sang Coronavirus Disease 2019.
Ginlakip man sang Santo Papa sa iya nga pangamuyo ang pagbag-o sa tagipusuon sang mga nagahingalit sa kapiutan sang ila isig kapareho.
Dugang pa sang natungdan, ini ang tion agud maghugpong kag magbinuligay ang tanan sa pihak sang nagkalain-lain nga pagpati.
Gindayaw man ni Pope Francis ang mga ginapatigayon nga lihok sang gobyerno apang suno sa iya mas nagakadapat nga hatagan sang atensyon kag bulig ang mga kubos ilabi na ang mga wala sang puluy-an.
