Gin-ako ni Lakers superstar LeBron James nga madismaya sya sa tion nga indi mahatagan sang tsansa ang Los Angeles nga makalab-ot sa playoffs subong nga tuig.
Madumduman nga temporaryo nga ginpaiway sang NBA ang mga hampang subong nga season bangud sa kahangawa sa COVID-19.
Suno kay James, apisar nga positibo siya sa madangatan sang Lakers pat-ud niya nga mas parayoridad sa gihapon ang ikaayong lawas sang mga atleta.
Una na nga ginbalabagan ni James ang paghampang sa playing venues nga wala sang fans mangin sa posibilidad sang pagtililipon sa isa ka lugar nga wala sang NBA teams agud makumpleto ang season paagi sa isa ka sports quarantine.
Apang sa subong, pabor na ang 16-time All star sa anuman nga ideya agud masiguro ang kahilwayan sang mga players kag staffs sang NBA.
