ILOILO CITY- Nagpanindugan ang Land Transportation Office nga ginahimo lang nila ang ila trabaho sa pagpanakop sa mga persona nga nagalapas sa ginalatag nga pagsulundan angot sa pagpatuman sang Enhanced Community Quarantine.
Sa interview sang Bombo Radyo kay Land Transportation Office Director Eric Tabaldo, iya ginpahayag nga ginpangdakop nila ang mga wala nagasunod sa ginapatuman nga physicial distancing.
Suno kay Tabaldo, may mga ginpangdakop man sila nga mga public utility vehicles nga nagabyahe apisar suspensyon sa pampubliko nga transportasyon bangud sa enhanced community quarantine.
Pahayag pa ni Tabaldo, indi nila mahimo ang tanan-tanan kag isa ka pamaagi agud matapna ang paglapta sang virus amo ang kooperasyon sang tagsa-tagsa.
Dugang pa sang natungdan, iya ginapasigurado nga indi man sila magpadakop kun indi magpasobra sa ila ginahimo ang mga pumuluyo.
