Nagpanugyan si Sen Christopher Lawrence ‘Bong’ Go sa Department of Health nga hatagan sang prayoridad ang pag-maximize sang Filipino healthcare professionals sa pungsod sa tunga sang ginapatuman nga deployment ban agud masiguro nga may bastante nga health human resources ang Pilipinas agud matapna ang Coronavirus Disease 2019.
Suno kay Go, nagakadapat nga hatagan sang special considerations ang Filipino healthcare professionals nga may existing contracts sa luwas sang pungsod.
Madumduman nga nagpagwa ang Philippine Overseas Employment Administration Governing Board sang Resolution No. 09 Series of 2020 nga magapatuman sang temporary suspension sang deployment sang tanan nga healthcare workers tubtob nga wala na-lift ang lockdown kag Covid-19 related restrictions sa nagkalain-lain nga bahin sang kalibutan.
Katuyuan man sang nasambit nga kasuguan ang masiguro nga may bastante nga numero sang health workers sa pungsod sa tunga sang kahangawa sa Covid-19.
Ang mga health professionals nga nalakip sa ban amo ang medical doctors/physicians, nurses, microbiologists, medical biologists, medical technologists, clinical analysts, respiratory therapists, pharmacists, laboratory technicians, X-ray/radiologic technicians, nursing assistants/aides, operators of medical equipment, supervisors of health services at personal care kag repairmen ng medical-hospital equipment.
Nag-apelar man ang senador sa gobyerno nga padayon nga suportahan kag protektahan ang mga health workers nga nagaserbe frontliners sa away batok sa Covid-19 paagi sa paghatag sa ila sang kompensasyon, equipments kag pasilidad agud mahimo nila sang maayo ang ila nga trabaho.
Una na nga nanawagan si Go sa Department of Budget and Management nga magtalana sang nagakaigo nga kompensasyon nga halos katumbas sa full-time nurses kag doctors kag ilakip man sa makabaton sang hazard pay kag special risk allowance ang mga health workers nga nag-volunteer nga magbulig nga respondehan ang Covid-19 health crisis.
