Gin-athag sang Department of Health nga wala sang mabakod nga ebidensya ang makapaathag nga mahimo mareinfect sang Coronavirus Disease 2019 ang isa ka pasyente nga nag ayo na.
Ini ang nangin pahayag ni Department of Health Undersecretary Maria Rosario Vergeire kasunod sang naggwa nga balita nga may yara sang duha ka pasyente sa Southern Philippines Medical Center nga nag-ayo sa nasambit nga virus apang liwat nga nagpositibo matapos ang 14-day home quarantine.
Suno kay Vergeire, posible nga remnant nalang sang napatay nga virus ang na-detect sang polymerase chain reaction machines rason kun ngaa liwat nga nagpositibo sa test ang mga pasyente.
Sa subong, yara na sa maayo nga kondisyon ang duha ka pasyente kag padayon na nga ginatun-an sang Department of Health ang nasambit nga insidente.
