GERMANY – Gintugutan na ni German Chancellor Angela Merkel ang liwat nga pagbukas sang ila nga football league sa Bundesliga.
Suno sa German Football League magasugod na ang nasambit nga liga sa Mayo 15 apang nagakadapat ini nga patigayunon close door agud malikawan nga maglapta ang Coronavirus Disease 2019.
Bangud diri, ang Bundesliga ang ika-labing una nga football league sa Europa nga magabukas.
Madumduman nga ginkansela ang tanan nga mga sporting events sa Europa bangud sa coronavirus pandemic.
